الكامل الله والخطا طبع الانسان

من طبعي ارد الإساءه بالاحسان
وأساير ظروف الزمان اللعيــــــنه
وأعدي الغلطه من أفلان وفلان
يعني من أجل عينيك تكــــرم مدينه


الكامل الله والخطا طبع الانسان
والدرب يفرق عن يساره ويميـــــنه


و الصاحب ا للي لـه معزه وله شان
ان جاني بـشيـــــنه تذكــــــر ت زينه


اتحمل اخطاءه معي قدر الأمكان
من جـــــانبي تبقى العـــــــــــلاقه متينه


واللي يغلطني وانا ماني بغلطان
اصـــــابعي احطها وسط عينه


مادامني مسلم وفي قلبي إيمــــــــــــان
عمر البحر ماشال هم السفينه


مرت علي انواع واشكال وألوان
بين العقول الناقصه والــــرزينه


عندي قناعه ان الإنسان شيطان
اذا يهينك لازم انك تهينــــــــه


يعني اذا حاجتك بيدين عدوان
يكفيك شر المهزله والغـــبينه


من كثر ماجاني من الناس خذلان
تحرجني حتى كلمة الله يعــــينه


صحيح لي ربع وجماعه وخلان
وأضيق لكن حاجة الناس شيــــــنه


الشخص دام انه بكل شي خسران
تأكد انهآ من عمايل يديـــــــنه


من مرحلة حب ومشاعر وحرمان
إن مالــــــعنت الحـــــب تلعـــن سنـــيــنه


اكتب شعر واعزف من اشواقي الحــآن
واسلي قلوب الغــــــــــرام الحزينــه


ولو الشعر مخلوق في هيئة انسان
والله لآ قول له تسلم واقبل جبينه

مشكورة امل يعطيكي العافية
تقبلي مروري

من طبعي ارد الإساءه بالاحسان
وأساير ظروف الزمان اللعيــــــنه
وأعدي الغلطه من أفلان وفلان
يعني من أجل عينيك تكــــرم مدينه

الله
الله
الله
الله ياأمل
رائعة والله
صح السانك

الله يعافيك حمزه وشكرا لتشريفك المتصفح فذالك زاده رونقا وجمالا

صح بدنك

اخي سعدون

نورت وربي المتصفح وووضعت بصمة الجمال والروعه فيه