|
|
|
|||||||
| منتدى الخواطر و النثر شعر شعراء قصيده خاطره خواطر اشعار كلمات اغاني |
 |
|
|
LinkBack | أدوات الموضوع | انواع عرض الموضوع |
05-07-2008, 01:37 AM
|
رقم المشاركة : [1] | |
 
|
اشعار الشاعر خالد المريخي تقربيا جميع اشعاره شعره جدا جميل
الســـــــــلام عليكم هذه مجموعه كبيره من اشعار الشاعر المشهور والمحبوب خالد المريخي طاير من الفرحه طاير و قلبي على نار ناطر ثاير من الشوق ثاير وحشني شوف الكويت مدري شأقدم هديّه كل شي أشوفه شويّه هي نجمة الشرق هيّه و هي عروس الخليج الكويت منّي و فيني مكانها وسط عيني أبيها و أدري تبيني و هذا الحكي من زمان  أبو فيصل نشدوني إنت من أيّه بلد قلت من أطهر مكان بهالوجود ايه أنا من شعب ابو فيصل فهد ايه أنا بين الذيابه و الأسود ما نحب نعيش تكمالة عدد لا صعدنا يرتفع معنا الصعود الرفيق إن ضاق يبشر بالسعد ما نحب انزاد حنّا اللي نزود قادنا اللي يستند فيه السند قادنا اللي خالقه ربه يقود و الله إن المجد ما قاده أحد مير هو صمل و قاد المجد قود شيخنا ما فيه لأفعاله عدد يكفي إنه حاكم ذيابه و أسود الثريا ليّن العود يسعد لي مسا هالليونه قم تمخطر هناك و قم تمخطر هنيّا ثم تثنّى و خل الليل يكسي متونه حيّ هاك القوام و حيّ هاك المحيّا ورّهم كيف تقدر شي ما يقدرونه علّم أهل الثرى وشلون رقص الثريّا خلهم يفقدون العقل و يودعونه سو فيهم سواتك قبل ما أعرّفك فيّا انت يا ويل من جيته بنظرة حنونه أشهد إنه بيصفق مثل صفقة يديّا انت لا تلوم من شافك و طيّر عيونه انت مفروض من شافك يسوي كذيّا آمالها تشبه آمالي جيت أبأحسب اللي راح و اللي بقا لي و ألحق اللي بقا قبل أتحسّف عليه بين نفسي و بيني قلت أبأشوف حالي بأنتبه للزمان اللي أنا تهت فيه و أحسب اللي كسبته و أحسب اللي غدا لي كنت جالس و فكري كل طاري يجيه لين رديت مع فكري لذيك الليالي وقمت أقول بندم : وشلون راحت و ليه ليه راحت هنوفٍ عندها كنت غالي و هي بعد من غلاها أغْلي اللي تبيه كنت طفلٍ و هي طفله حشا ما نبالي نرضي اللي نبي و نزعّل اللي نبيه كانت آمالها بالضبط تشبه آمالي ما ترجيت شي إلا و هي ترتجيه و الله إني بذاك الوقت داله و سالي كنت حتى الشعر لعيونها مبتليه لو أسوي بويتٍ رحت أسابق ظلالي مقدر أصبر أجي مسرع و أقول اسمعيه و آتفيخر و أقول اقري كتبته لحالي بيت مكسور ما يجبر و أقول احفظيه لمحتك أنا ياللي تعيش بهنا . . حِسْ بشعوري أنا لمّحت لك ألف مرّه . . و انته و لا انته هنا جيتك و كلي غرام . . و سمّعتك أحلى الكلام و انته و لا ملتفت لي . . يا سيدي و الله حرام طوّلت بالي عليك . . لكن تعبت أرتجيك مدري أبيك و تبيني . . أو بس أنا اللي أبيك ياللي العمر ما كفاك . . متى تحس بغلاك أموت و أعرف حبيبي . .ايش آخرتها معاك يا صقر يا هاجسي عطني من أجزل معانيك و بأصير أنا يا هاجسي كاتبٍ لك و اعرف ترى بعض البشر ما يقدّيك بعض البشر ينفعْك لكن يذلّك أبيك تنخى اللي ليا قام يشفيك و إليا فعل ما قال أنا فاعلٍ لك و أبيك تنخى شحص لو ما يحاكيك إليا سمع بك شي جا فازعٍ لك نظيف قلب و به حميّا تخليك تحب راسه لو ماهو شايبٍ لك هذاك أبو راشد و لا فيه تشكيك هذاك هو اللي أنا ذاخرٍ لك قل : يا صقر خمسين نعمٍ بطاريك و خمسين نعمٍ يا صقر في سجلّك فعلت هذي ما تبي منفعة ذيك و لا انته بفاعلها لأجل حاجةٍ لك و لا انته براجي من حدى الناس يعطيك مير العلوم الغانمة عادةٍ لك فالمرجلة يا صقر كلٍ يزكيك حتى الزمن كانه نطق شاهدٍ لك أجمل عشيقاتي الديره اللي تكحّل عين ناظرها أحبها من زمان في كل حالاتي ما جيتها بس أحس إني معاشرها مع إنها بعيد لكن ساكنه ذاتي صورة و تسلم يمين اللي مصورها اللي عطاها و لا عمره نطق هاتي زايد عشقها من أولها لآخرها يقول في العشق هي أجمل عشيقاتي و أنا من سنين هاللحظات ناطرها الحمد لله دعيت و أجاب دعواتي من كثر ما أحب هالديره و أقدرها مرات مدري .. أشك إني إماراتي المئوية هنا المجد و هنا العز و هنا شرع الله و كتابه هنا مية مجد مدري عام مدري كيف نحسبها هنا التاريخ نفسه لو يحسّب ضيّع حسابه و هو عنده عذر دامه لحاله صعب يحسبها هنا سيفٍ على حق و مع الحق و مع أصحابه هنا أمواجٍ تلاطم ما ربح منهو يقرّبها ظهر منّا عظيمٍ أجبر التاريخ يشقى به ظهر عبدالعزيز اللي فعوله صعب نكتبها ظهر في نجد و أثري نجد كانت تشكي غيابه معاشقته على وضح النقا ترجيه يخطبها و كبر عبدالعزيز و حظنا يومه كبر جابه نعرف إن نجد فتنه بس ما كلن يناسبها و كبر هذا العظيم و نجد صارت أقرب أحبابه و هو طبعا يده أطهر يدٍ لمست ذوايبها و مع انه راح .. لكن نجد عجزت تطوي كتابه تعده ألف مرة كل ما عدّت حبايبها تقول أمجادكم لليوم هذا هي من أسبابه ترى مهما وصلتوا حسبةٍ بالضبط حاسبها و قالت : جعل ربي يرحمه و يطهر ترابه عسف شبه الجزيرة في يديه و صار صاحبها مع ان شبه الجزيرة كانت أشبه حيل بالغابه و لكنّه عرف زيزومها وشلون يكسبها حكمها في كلام الله و شرع الله و بكتابه و نفسٍ ما يهذبها الكلام السيف هذّبها مدام الحب حي ياللي نويتوا تبعدون لو كذب .. قولوا لي تجون حتى و لو ما ترجعون الله يسمّح دربكم محتاج أمل لو هو شويّ بأسلّي نفسي بأي شيّ و أحيا ما دام الحب حيّ الله يسمّح دربكم ش غرضهن يا طبيب القلوب إن كان تعرف مرضهن هن يداوَن جروح الوقت أو ما يداوَن الغريبه جروحي ما يدانن بعضهن بس من طول مدتهن بقلبي تخاوَن كل ما أونستهنقمت أشتكي و آعرضهن مير ذاك الوقت فالشدّات محدٍ يعاون شف تردّن عزومي مير محدٍ نهضهن كل من رحت يمّه قال ما ينتداوَن حسبي الله على اللي وسط قلبي فرضهن لين خلاّ الليالي في عيوني تساوَن يا طبيب القلوب أرجوك شف وش غرضهن قم أنا و انت تكفى يا طبيب تعاوَن أكثر الناس قالوا كلمتين آحفظهن ما يطيب المرض دام المريض يتهاوَن يا كثر طيبة حبيبي يا كثر طيبه يخجّلني بترحيبه و لا أدري كيف أهلّي به عساني ما انحرم منّه عتابه ما يضايقني أحس إنه يشوّقني يا ليته ما يفارقني و عساني ما انحرم منّه بكل رقّه يعاملني . . و لا يرضى يزعلني إذا أخطى قمت جاملته . . و إذا زلّيت جاملني وجود الحب يكفينا . . و هذي كل أمانينا أنا وياه فينا طبع . . إذا حبينا .. حبينا أشتكي له جتني قصيدة كنّها رسم رسّام أصيلةٍ و أنا هواي الأصيله و من يوم جتني هاجس الشعر حوّام و من طيب راعيها نويت أحتسي له لو المراجل نعتبرها بالأرقام أناأشهد إنه ياخذ أكبر حصيله غلام سعد اللي لهم مثله غلام أشفى غليل ابوه و أشفى غليله و عنده قلم ماهو مثل كل الأقلام محرمٍ ما يكتب إلا الجميله هو يشتكي لي كل ما صار منضام و أنا على طول إن زعلت أشتكي له بأقول له دامه على الوقت لوّام الوقت بيّدنا و لا باد حيله يا خوي لا تتعب بتحسيب الأعوام ما فات خلّه و اتركه لا تخيله شفني أنام أحيان و أحيان ما نام أفرح دقايق و أنطوي كل ليله كني شعب بغداد و الوقت صدّام ماهو بكيفي غصب قمت أنحني له حملي تقسّم و انقسم عشره أقسام حاولت أشيله لكن أزريت أشيله |
|
|
|
||
|
    
|
| روابط دعائية |
|
05-07-2008, 01:40 AM
|
رقم المشاركة : [2] | |
|
|
رد: اشعار الشاعر خالد المريخي تقربيا جميع اشعاره شعره جدا جميل
المعاند قلت : خل المعاند ما سمعت الكلام ذوق نار المعاند ذوقها يا عنيد قلت لك : في المحبة صار لي كم عام و انت توّك على دنيا المحبة جديد ما انت قد المخاصم ليه تبدا الخصام ما دريت إن قدرك لا نقص ما يزيد ضعت مدري وش اللي ضيّعك يا حرام بس أنا أموت و أعرف انت وش مستفيد تحسب إني أبرضى بالعتب و الملام لا حبيبي أنا وقت الشدايد شديد لا تكثّر كلامك ما يفيد الكلام روح مابي كلامك .. روح فرقاك عيد ثلاث أيام هاك كل القصايد هاك و إقريهن لا تقولين وش آخرهن وش أولهن كلهن فدوةٍ لك هاك قوليهن في لسانك ترى لسانك يجملهن غيبتك أثرت في حال راعيهن قطعة أيام عيّا لا يتحمّلهن بس يمكن ثلاث أيام غبتيهن لعنبو هالثلاث أيام ما أطولهن طالعي في فعايلهن و شوفيهن تحت عيني تبيّن لك فعايلهن ما هقيت إني أسلم من بلاويهن بهذلنّي جعل ربّي يبهذلهن و تهت حتى القصايد قمت أعنيهن يكملن و أنسى و أعوّد و أكملهن و المعاني غريبه قمت أنقيهن عقب ما كنت من قبل أتحايلهن و قلت ما دامهن جنّي برجليهن بأتشرّط عليهن و آخذ أجملهن اتركي هالثلاث أرجوك خليهن سولفي بأي حاجة بنتجاهلهن لاتعزوينا دارنا لا بغتنا ما تَخَلينا ايه ما فيه فزعه مثل فزعتنا أبشري يا كويت بفزعه يدينا تنكسر كل يمنى دون رايتنا دارنا من طمع فيها طمع فينا علموا من طمع فيها بوقفتنا و الله إنّا نخلي لا تعزوينا كل كلمه تحسب حساب كلمتنا و الله إنّا نجيها قبل تدعينا كنّهم بشّرونا يوم نادتنا و الله إنّا نموت وروحها فينا و كان متنا لها يا زين موتتنا سامحك ياللي غلطت مسامحك بأجيك أنا و أصالحك غصبٍ علي أبأعتذر غصبٍ علي أسامحك من كثر ما أحبك و أبيك و انته معاي أولَه عليك و أعذرك لو مالك عذر من كثر ما أحبك و أبيك غلاك من قدّه غلاك تكبر و هو يكبر معاك ويّاك بالصح و الغلط شف وين ودّاني غلاك يا حلو لثغتها نور عيني تبعثرني متى ما لفَتْ و كل الأوراق تتلخبط بشوفتها لا حضر نورها نور الليالي خَفَتْ ذيك حتى المسا يحسب لطلّتها المشاعر إليا من صادفتها دفَتْ و الأحاسيس تتباشر بجيّتها أنجذب حيل صوب عيونها لا غَفَتْ تجذب الكون كلّه جاذبيتها إن صفا جوّها دنياي معها صفتْ ما يروّق مزاجي غير ضحكتها البراءة ليا منّا كبرنا اختفَتْ بس هي عكسنا زادت براءتها إن حكت من خجلها دنّقت و ارجفَتْ هذا هالحين وشلون بطفولتها كن بلسانها لثغه إليا سولفَتْ بس يا حلوها و يا حلو لثغتها يحلالي يحلالي الشّعر لا شفته و يحلاله و اللي يعجبه و يرضى فيه يعجبني أنا أنطرب لا قصدت .. بردّة أفعاله لا قلت شعري و قال : الله يطربني ماهو مع الناس هو هناك لحاله بأقصى خفوقي يريحني و يتعبني الله عطاني غلاه و نعمه وصاله و حبّبه فيني مثل ما فيه حبّبني ما يجوز له شي مدري كيف جزناله أنا أشهد إني مشنص يوم قرّبني و لو قالوا الناس خلّه مالك و ماله بأقول : يجذب و لا أدري كيف يجذبني أدري ماهو زين لكن ماشيٍ حاله زينه ماهو كل هذا .. بس عاجبني الأسير متى على الله يرجع اللي فقدناه متى يجينا يالسنين و نشوفه مل الصبر من صبرنا و ابتليناه مرّت سنين و كلبونا ضيوفه مرّت سنين راح ما ندري اش جاه و الله ما ندري وشنهي ظروفه ساعات نلمح صورته لا ذكرناه و من البطا ساعات ننسى وصوفه أحدٍ يقول شلون لا ما أقدر أنساه و أحدٍ عجز ينطق من اللي بجوفه يا سنين - أمه – كل يومٍ تحراه تقول أخاف أموت من قبل أشوفه و أبوه حاول يا سنين يتناساه و لا جابوا اسمه قام يصفق كفوفه يا سنين حسّي لو دقيقه بفرقاه حسّي بلوعاته و حسّي بخوفه يا سنين كل اللي تقولين نرضاه إلا الأسير أرجوك .. لازم نشوفه إما كذا الحب ما به مستريح من جربه لازم يطيح هذا هو الحب الصحيح إما كذا وإلا بلاش الحب ماهو في يديك لو ما بليته يبتليك لا جا يجي غصب عليك إما كذا و إلا بلاش الحب هو نبض القلوب راعيه لا يمكن يتوب يذوّب اللي ما يذوب إما كذا و إلا بلاش روّضته يا علي مدري علامه يشتكي منّي يقول انا مبغضه كذاب ما أبغتضه الله يجنن عدوه صج جننّي و أنا مثل ما انت شايف ما تعرّضته بس إني أرد غلطاته إذا جنّي و أعوضه لا غدا مضبوط عوضته بغيت أعينه و أشوفه ما يعاونّي و حبيت أفضفض عليه و قمت فضفضته يشوف نفسه و لاهوب داريٍ عنّي الين ما صرت قاسي حيل و أمرضته يا علي من كثر غيضه قام لعنّي هو حَر قلبي و قلبه شفني أنجضته و الحين لا قلت له كلمه سمع منّي أعجبك أنا ما يروّض بس روّضته لا عجزت أكتب تذكرته هذا البلد غصب هو منّي و أنا منّه غلاه فيني من الله ما تخيّرته و قصايدي كثر ما أحبه يحبنّه كم ليلةٍ سامرني يوم سامرته قصايدي ليه أعلمهن يعرفنّه أصلا أنا لا عجزت اكتب تذكرته قاسمته الحزن و الأفراح والونّه بالزين و الشين خاشرني و خاشرته حبي له أبجد مالي مصلحه منّه ماهي محبة مرشح لابن دايرته ملح الخليج جيتك يا ملح الخليج و مصدر الطيبه قلبي تركني و جبت الشوق بيديني أثره مشى لك بلهفه قبل لأمشي به و من كثر نبضه سبق خطوات رجليني جيت أحضن ترابك الطاهر و أغني به جيتك يا بحرينهم مدري يا بحريني من كثر مالك بقلبي منزل و هيبه شافتك عيني و لا صدّقت أنا عيني و صار الحكي صعب مدري صعب تركيبه مدري عجزت أظهره من كثر ما فيني من يوم أنا صغير و انتي منّي قريبه كل شي عنّك أعرفه لو ما تعرفيني و به شي ما تعرفينه بس أنا أدري به و بقول ذا الشي لكن بينك و بيني الحب ويّا الوفا و الصدق و الطيبه هالأربعه ذولا فيهم عرق بحريني يزين اللي حضرت الله يا زين اللي حضرت غطّت على كل الحضور طلّت علينا و أنورت ما عقب هذا النور نور علمنا قول وش فيها زود يا ناس ماهي من الوجود شبهها يالله باختصار وردة و لا كل الورود معذورة لو تكبرّت مغرورة يا بخت الغرور و اللي تماريها خسرت من قدّها بدر البدور احترنا يا خالد معاك فعيونها شفت الهلاك يعني نسميها ملاك لا هيا أحلا من كذا فلّت جدايلها و سرت و صفقنا حيل بلا شعور هي بس هي اللي قدرت تجني على كل الحضور يا خالد أثريك معذور هذي ترى بعض الأمور هذي خذت عقلك أكيد مو بس أنا كل الحضور |
|
|
|
||
|
|
|
|
05-07-2008, 01:42 AM
|
رقم المشاركة : [3] | |
|
|
رد: اشعار الشاعر خالد المريخي تقربيا جميع اشعاره شعره جدا جميل
يسمي عليها دار الفخر ما مثلها بين الأقطار الله عليها تفتن .. الله عليها نجمة و لكن لا ضوت تلغي أقمار قطرنا أصل النور منها و فيها أبطت و هي تنطر حمدها على نار تبي حمدها مثل ماهو يبيها و أصبح حمد ما بينها و بين الأخطار و صار بشموخه درعها اللي يحميها و جمّل قطر و اللي تمنّت قطر صار و جاب الفخر بيده و حنا يديها مو بس خلاّ زينها يلفت أنظار خلاّ الحلا نفسه يسمي عليها قطر هذي قطر تاريخها يرفع الراس هي من بنات المجد و المجد منها الطيب هي ساسه إذا كان له ساس يومه تخيّر وين يسكن سكنها في ظل ابو مشعل قطر باسها باس ما تستريح إلا السحاب يحضنها بيديه لبّسها حمد عقدٍ من الماس و لو تامره يرهن حياته رهنها قطر فعايل مالها حد و قياس يشهد لها وقت الشدايد زمنها ماقول بس بفعلها تشهد الناس لو تنشد الخفجي تعلّمك عنها امي أمي مهي أم أمي كنز حنيّه حلاة الكون كله منوخذ منها محبة الأم ليه تصير مخفيّه محبة الأم مدري ليه ندفنها أمي مهمه وأهم من الأهميّه أبأفتخر في محبتها وأبيّنها كلي لها بجد من راسي لرجليّه أعز من عزّها وأهين هاينها لا قالت الآه كن شخص انطعن فيّه أجي من أقصاي فازع لأجل أطمّنها عذروبها بس طيبتها خياليّه يا زين عذروبها اللي ما يشيّنها قليل في حقها اللي قلت وشويّه أكبر بواجد من اللي قلت أنا عنها ثمانين حجّه لا ينشغل بالك ترى هاذي هروج جنّب ترى بعض المواضيع صجّه كانك تبي الفكّه ترى ما انت محجوج اسكت ما دام ان العرب مستلجّه يا صاحبي ما تقدر لحالك الموج الموج لامنه توجّه .. توجّه وش ذنبك تقاسمني السود والعوج خلك بعيد وعيش من غير لجّه واللي يقولون اتبعه تلبس التوج لا ما ارتجيته يوم قالوا : ترجّه عزايه إني ناهجٍ خير منهوج كني ما اشوف الهرج يمي موجّه أدوج وأحسب خطوتي قبل ما دوج وأعرف ليا من ضقت وين أتوجّه وأنا الذي يحفظ لسانه عن العوج كنّه محججني ثمانين حجّه هذا بلى أبوك يا عقاب ياناس خلوني معه واتركوني محدٍ معوضني غيابه ليا غاب أغليه بس شلون ؟ لا تنشدوني الحب من ربي يجي ماله أسباب شوفوه بعيوني قبل لا تعذلوني شوفوا حبيبي ماهوب مثل الأحباب ترضون وإلا كيفكم تزعلوني أنا حبيبي سيد تلعات الأرقاب ما فيه مثله في البشر صدقوني مزيون ومتواضع طيب وجذاب وإذا مدحته قال : لا تمدحوني ماني من اللي يستحقون الإعجاب يقول بس الزين فيني عيوني وأنا أقول : هذا بلا أبوك يا عقاب ما يبين بعينك ما يبيّن بعينك على كثر ماجاك لا واحسافه ليتني ما عطيتك تخطي وأعذرك وأتحمل خطاياك هويت غلطاتك كثر ما هويتك ضحيت فالدنيا على شان دنياك تركت كل اللي يبيني وجيتك وكنت بعيوني وين ما أطالع ألقاك حتى ولو غمضت عيني لقيتك من كثر ما أحبك وأقدرك وأهواك ما أذكر إني في حياتي عصيتك ولا فاد كل اللي أسويه وياك أتعبت قلبي ليتك تحس ليتك والحين روح أرجوك ساعدني أنساك ولا تجي حتى لو إني بغيتك وإن مر في بالي بقايا لذكراك بأحاول أنساها مثل ما نسيتك غرفت في يمناي ما نيب مخطي لا تقولون غلطان اللي لكم عيّا يبيّن انكشف لي ما شفتوا اللي شفته أنا شوف الأعيان يالله عسا يصدف لكم ما صدف لي مروّا علي أصناف وأشكال وألوان هذا وقف ضدي والآخر وقف لي بعض العرب أصدقه دون حلفان وبعض العرب ما أصدقه لو حلف لي أنا فحياتي ما تنزّلت لإنسان لا ما انحنيت إلا لربٍ صخف لي وفالشعر يوم الناس راوي وضميان غرفت في يمناي محدٍ غرف لي حتى عدوي ما تردد كحيلان جيته وقلت له : اعترف واعترف لي عروس ودي أدرس ولكن وين أنا والدروس من تذكرك ينسى درسه اللي دَرَسْ أدخل الصف ما كني بضمن الجلوس وأكثر اللي بصفي شكوا إني خَرَسْ حست أنا دفتري من ضيقة الخلق حوس من كثر ما رسَمْتْ قلوب حُب انترسْ وأذكر إني مرةٍ غارقٍ بالهجوس وأسمع اللي بجنبي قال : قوم احترسْ المدرس سألني جاب صورة عروس قال : هاذي وشنهي؟! قلت : صورة فرسْ ما أحسب إني بوسط المدرسة والدروس أحسب إني بجنبك لين دق الجَرَسْ |
|
|
|
||
|
|
|
|
05-07-2008, 01:44 AM
|
رقم المشاركة : [4] |
|
|
